ප්‍රධාන විධායක නිලධාරියා සමග සම්මුඛ පරීක්ෂණයක් පැවැත්වීම සඳහා ඉගි…
නිවැරදි වෘත්තියක් තෝරා ගැනීම ජීවිතයේදී ඔබ ගන්න වැදගත් තීරණයක් වන්නට පුළුවන්. නූතන ව්‍යාපාරික සමාජය තුළ ඇති තරඟකාරී බවත් සංකීර්ණත්වයක් හේතුවෙන් ගැළපෙන හෝ තෘප්තිමත් එකවර තෝරා ගැනීම අසීරු විය හැකි නමුත් ඒ සඳහා ඔබ සතුව නිසි වෘත්තීය සැලැස්මක් තිබේ නම් ඔබ අපේක්ෂාවෙන් සිටින ඔබගේ අනාගත ඉලක්ක හා අරමුණු වෙත සාර්ථක ලෙස ළඟාවියහැකි බව හොඳින් මතක තබාගන්න. වෘත්තියක් තෝරා ගැනීමේදී හෝ සම්මුඛ පරීක්ෂණයක් සඳහා අයදුම්පත් කැඳවීමේ දී බොහෝ වෘත්තිය අපේක්ෂකයන් මුහුණ දෙන ගැටලුවක් වන්නේ සම්මුඛ පරීක්ෂණයට කෙසේ මුහුණ දිය යුතුද යන්නයි. එවැනි අවස්ථාවක අදාළ ආයතනයේ පරීක්ෂකයා ඔබගෙන් අසන ප්‍රශ්න කුමක් විය හැකි ද? ඊට ලබා දිය යුත්තේ කුමන ආකාරයේ පිළිතුරු ද? යම් විටෙක ආයතනයේ විධායක නිලධාරියා සමඟ සම්මුඛ පරීක්ෂණ යෙදීමට සිදු වුවහොත් ඔහු/ ඇය ඉදිරියේ කෙසේ පෙනී සිටිය යුතු ද යන්න ගැටළු රැසක් ඔබට මතුවිය හැකියි.
එසේ නම් අද අප සූදානම් වන්නේ එවැනි අවස්ථාවකදී ඔබ මුහුණදෙන ගැටලුකාරී තත්ත්වය මඟහරවා ගැනීම සඳහා අවශ්ය ඉඟි කිහිපයක් ඔබට ලබාදීමටයි.
සම්මුඛ පරීක්ෂණ ක්‍රියාවලියේදී අදියර ගණනාවකින් පසුව එළඹෙන එක් අවසන් අදියරක් වන්නේ ආයතනයේ ප්‍රධාන විධායක නිලධාරියා සමග කෙරෙන සම්මුඛ පරීක්ෂණ යයි. මෙය අනෙකුත් සාකච්ඡාවන් මෙන් නොව ඔබගේ නව වෘත්තියයේ තීරණාත්මක සාකච්ඡාවක් වන අතර එම අවස්ථාවට මුහුණදීම සඳහා ඔබ විසින් අනුගමනය කළ යුතු වැදගත් කරුණු කිහිපයක් මෙසේ සඳහන් කළ හැකිය.
1) පෙර සූදානම වන්න
2) හොඳින් හැසිරෙන්න.
3) ප්‍රශ්න විමසන්න.
4) ස්තුති කරන්න
1) පෙර සූදානම වන්න
සම්මුඛ පරීක්ෂණ වට කිහිපයකටම මුහුණ දුන් ඔබට මේ වන විට ආයතනය වටපිටාව පිළිබඳ සැලකිය යුතු අවබෝධයක් ඇති වී තිබෙන්නට පුළුවන. එහෙත් අවසන් වටය තීරණාත්මක බැවින් ඔබේ පෙර සූදානම ඉතා අත්‍යවශ්‍ය බව මතක තබාගන්න. ඒ සඳහා ඔබට මුහුණ දීමට සිදු විය හැකි ප්‍රශ්න ලැයිස්තුවක් සාදන්න. මෙම සම්මුඛ පරීක්ෂණය ප්‍රායෝගිකව මිතුරෙකු සමග පුහුණුවිය හැකි නම් වඩාත් සුදුසු වේ.
සම්මුඛ පරීක්ෂණයට පෙර රාත්‍රියේ ප්‍රමාණවත් නින්දක් ලබා ගැනීමත් සම්මුඛ පරීක්ෂණයට පෙර පෝෂ්‍යදායී ආහාරයක් ලබා ගැනීමත් ඉතාම වැදගත් ය.
සම්මුක පරීක්ෂණයේ දී ඇතිවිය හැකි මානසික පීඩාවන් ඉවත් කිරීමට මෙය ඉතාමත් උපකාරී වේ.
2) හොඳින් හැසිරෙන්න.
ප්‍රධාන විධායකයා නිලධාරියා හමුවීමේදී වෘත්තීමය චර්යාවක් අවශ්ය වේ. එමෙන්ම ඒ සඳහා සුදුසු ඇඳුමකින් සැරසිය යුතු බව හොඳින්ම ද තබා ගන්න.
ඔබේ සම්මුඛ පරීක්ෂණයට විනාඩි 05 ක් හෝ විනාඩි 10 ක් කලින් ස්ථානයට පැමිණෙන්න
එසේ නොවුවහොත්, ඔබ පැමිණෙන තුරු සේවායෝජකයාට බලා සිටීමට සිදු වනු ඇත. එය ඔබට අවදානම් සහගත තත්වයක් බව මතක තබාගන්න.
නිතරම ශරීරයේ භාෂාව පිළිබඳ අවදානයෙන් සිටින්න.
ඔබගේ සම්මුඛ පරීක්ෂණයේ අන්තර්ගතයට ශරීර භාෂාව ඉතාම වැදගත් වන අතර යම් විටකදී දුර්වල ශරීරයේ භාෂාව පරීක්ෂකයා ගෙන් ඔබව දුරස් කරවිය හැකිය. ශාරීරික භාෂාවේ ඵලදායී ස්වරූප අතරට සිනහවක්, ඇසේ සම්බන්ධතා, ක්රියාශීලීව සවන් දීම, සහ ප්‍රශංසා කිරීම ඇතුළත් වේ.
එමෙන්ම සම්මුඛ සාකච්ඡාව අවසන් වන තෙක් පෑනක් සමග සෙල්ලම් කිරීම, පුටුවක හිඳ දෙපා අප්‍රසන්න ලෙස තබා ගැනීම , ඔබේ හිසකෙස් ස්පර්ශ කිරීම, ඔබේ මුහුණ ස්පර්ශ කිරීම, චුවිංගම් කෑම වැනි ක්‍රියා නොකර සිටීමට ඔබ වගබලා ගත යුතුවේ.
3) ප්‍රශ්න විමසන්න.
ප්‍රධාන විධායක නිලධාරියා සමඟ නිවැරදිව ප්‍රශ්න ඇසීම මගින් ඔබ මෙම සම්මුඛ සාකච්ඡාව පිළිබඳව උනන්දුවක් දක්වන බව ප්‍රධාන විධායක නිලධාරියාට හැඟී යනු ඇත.
මෙම අවස්ථාවේදී, ප්‍රධාන විධායක නිලධාරියා ඔබේ පෞද්ගලික හා වෘත්තීය වර්ධනය සමාගමට ගැලපෙන අයුරු පරීක්ෂා කර බලයි.
දිගු කලක් සමාගම සමඟ රැඳී සිටීමත් ඔබේ වෘත්තීය වර්ධනය දිරිමත් කරනු ඇත
ඔබ විමසන ප්‍රශ්න අතරින් ඔබේ වැටුප පැකේජය, ප්‍රතිලාභ , ව්‍යාපාරයේ දිගුකාලීන සැලසුම් සහ ආශ්‍රිත ප්‍රශ්න ප්‍රධාන විධායක නිලධාරියාගේ ආකර්ෂණය පමණක් නොව, සමාගම පිළිබඳව පැහැදිලි පින්තූරයක් ඔබට ලබා දෙනු ඇත.
මෙහිදී සෑම විටම ඔබ රැකියාවට කැමති ලෙස ක්‍රියා කරන්න. එය ඔබට ඉතාමත් වාසි සහගත වේ.
4) ස්තුති කරන්න.
සම්මුඛ පරීක්ෂණයෙන් පසුව අදාළ විධායක නිලධාරියා වෙත ස්තූති ලිපියක් යවන්න. එක් එක් සම්මුඛ පරීක්ෂකයට පෞද්ගලිකව ස්තූතිවන්ත වන්න. මෙහිදී ඔබේ බුද්ධිමත් බාවයත් සංවාද ශීලිත්වයත් ඉතාම වැදගත් වේ.
සාරාංශය
නිසි තනතුරු පුරවන්නට සුදුසු ආකාරයේ අපේක්ෂකයන් බඳවා ගැනීම ප්‍රධාන විධායක නිලධාරියාගේ ප්‍රධාන වගකීම වේ.ඕනෑම සම්මුඛ පරීක්ෂණයක් සඳහා ඔබ එක් ඉලක්කයක් තිබන්න. සෑමවිටම රැකියාව සඳහා හොඳම අපේක්ෂකයා බව හැඟෙන අයුරින් කටයුතු කිරීම ඔබ සාර්ථක වෘත්තියක් කර යොමු කිරීමට මග පාදයි.
සැකසුම – බිනාලි රාජපක්ෂ