ඵලදායී බඳවා ගැනීම් ඔබ ආයතනයට වැදගත් වන්නේ කෙසේද?
හොඳ තත්ත්වයේ සේවකයින් සිටීම ඕනෑම සේවා යෝජකයෙකුගේ අංක එකේ ඉලක්කයයි.
නිරන්තරයෙන් වෙනස් වන ව්‍යාපාරික ලෝකයක, සමාගම්වලට අනුවර්තනය කළ හැකි, පක්ෂපාතී, දැනුමැති, විශ්වසනීය හා විශ්වාසයෙන් යුත් පුද්ගලයින් බඳවා ගත යුතු අතර එමඟින් සංවිධානයේ හෝ ආයතනයේ ශ්‍රම බලකායට සහ සමස්ත ව්‍යාපාරයේ සාර්ථකත්වයට පදනමක් මෙමගින් නිර්මාණය වේ.
ආයතනික වර්ධනය සඳහා බඳවා ගැනීමේ ක්‍රියාවලිය තීරණාත්මක කාර්යභාරයක් ඉටු කරයි. එබැවින් එහි වැදගත්කම හා අවශ්‍යතාවය අවබෝධ කර ගැනීම ඉතාම වැදගත්.
එසේ නම් මෙම ඵලදායි බඳවාගැනීම් ඔබේ ආයතනයට වැදගත් වන්නේ කෙසේදැයි අද අප විමසා බලමු.
එම කරුණු කිහිපය මෙසේ පෙළ ගැස්විය හැකිය.
1) අඩු පිරිවැය
2) පුද්ගල පක්ෂපාතීත්වය හා ඵලදායිතාව
3) නෛතික හා සමාජීය බැඳීම් සපුරාලීම
1) අඩු පිරිවැය
ඵලදායි බඳවා ගැනීම් හා තෝරා ගැනීම වැදගත් වීමට ප්‍රධාන හේතුව අඩු පිරිවැයයි. දුර්වල බඳවා ගැනීමේ පිළිවෙත් මූල්‍ය අලාභයන්ට හේතු විය හැකි ය. උදාහරණයක් ලෙස, අපේක්ෂකයෙකුගනිවැරදිව තක්සේරු නොකළහොත්, ඔහුව ඵලදායිතාවයට බාධාවක් විය හැකි අතර ඔහුව නිවැරදිව පුහුණු කිරීම සඳහා අමතර පිරිවැයක් ඒ සඳහා වැය කිරීමට සිදු වනු ඇත.
ඒ අනුව අවම වියදමකින් රැකියා අපේක්ෂකයින්ගේ සංචිතය වැඩි කිරීම ඵලදායී බඳවා ගැනීම්හි ඇති ප්‍රධානතම වැදගත්කම වේ..
2) පුද්ගල පක්ෂපාතීත්වය හා ඵලදායිතාව
සංවිධානයට කැපවී සිටින බවක් හැඟෙන සේවකයින් එය සාර්ථක කර ගැනීම සඳහා වෙහෙස මහන්සි වී සේවයේ නිරත වනු ඇත. මෙය ඔබ මනසේ තබාගෙන, බඳවා ගන්නා අපේක්ෂකයන්ගෙ ශක්තීන් සහ දුර්වලතා පිළිබඳ තොරතුරු සපයන ප්‍රශ්න ඇසිය යුතුය. මීට අමතරව, සම්මුඛ පරීක්ෂකවරුන් අපේක්ෂකයෙකුගේ වෘත්තීය ජීවිතය තුළ ලබා ඇති විශිෂ්ට ජයග්‍රහණ පිළිබඳව විමසිය යුතුය. සාමාන්‍යයෙන්, විශ්වාසවන්ත සේවකයින්ට විශිෂ්ටත්වය සඳහා වෙහෙස මහන්සි වී වැඩ කිරීම පිළිබඳ වාර්තාවන් ඇති අතර එහි ප්‍රතිඵලයක් ලෙස වඩාත් තරඟකාරී, නව්‍ය හා ලාභදායී ව්‍යාපාරය බිහිවනු ඇත.
3) නෛතික හා සමාජීය බැඳීම් සපුරාලීම
බඳවා ගැනීම් ක්‍රියාවලියේ දී පුද්ගල වෙනස්කම් කිරීම බරපතල කරුණකි. ජාතිය, වර්ණය, ජාතික සම්භවය, ස්ත්‍රී පුරුෂ භාවය, ආබාධිතභාවය, ආගම, දේශපාලන සම්බන්ධතාවය, ආගම හෝ වයස අනුව වෙනස් කොට සැලකීම එක්සත් ජනපද කම්කරු දෙපාර්තමේන්තුව මේ වන විට තහනම් කොට තිබේ. එවැනි සංකූලතා වළක්වා ගැනීමට නම් ඒ සඳහා, පළමුව තනතුර සඳහා අත්‍යවශ්‍ය අවශ්‍යතා පමණක් ප්‍රචාරණය කරන්න. නිවැරදි රැකියා විස්තරයක් සපයන්න, තනතුරේ නම සහ අදාළ රාජකාරි පමණක් ලැයිස්තුගත කරන්න. භාෂා ප්‍රවීණතාවය හෝ භෞතික හැකියාවන් වැනි දෑ භූමිකාවට අත්‍යවශ්‍ය නොවේ නම් ඒවා ලැයිස්තුගත නොකළ යුතුය. සම්මුඛ සාකච්ඡා පවත්වන විට, ආබාධිත පුද්ගලයින්ට මෙම ස්ථානයට ප්‍රවේශ විය හැකි බවට වග බලා ගන්න සහ ආගමික හෝ සංස්කෘතික නිවාඩු දිනවල සම්මුඛ සාකච්ඡා පැවැත්වීමෙන් වළකින්න.
ඒ අනුව සංවිධානයේ ශ්‍රම බලකායේ සංයුතිය සම්බන්ධයෙන් නෛතික හා සමාජීය බැඳීම් සපුරාලීමට මින් හැකිවනු ඇත.
මීට අමතරව,
– සංවිධානයේ කාර්ය මණ්ඩල සැලසුම් සහ රැකියා විශ්ලේෂණ ක්‍රියාකාරකම් සමඟ ඒකාබද්ධව වර්තමාන හා අනාගත අවශ්‍යතා තීරණය කිරීම.
– රැකියා අයදුම්කරුවන් බඳවා ගැනීමෙන් හා තෝරා ගැනීමෙන් පසු ආයතනයෙන් ඉවත් වීමේ සම්භාවිතාව අඩු කිරීම.
– කෙටිකාලීන හා දිගු කාලීනව ආයතනික හා පුද්ගල ඵලදායීතාවය වැඩි කිරීම.
මෙසේ ඵලදායි බඳවා ගැනීමේ ක්‍රියාවලිය මඟින් විශිෂ්ට සේවකයින් සොයා ගැනීම පමණක් නොව, නව පුද්ගලයින් ප්‍රතිස්ථාපනය කිරීම හා පුහුණු කිරීම සඳහා ඔබේ කාලය හා මුදල් ඉතිරි වනු නොඅනුමානයි.
සාරාංශය
සාර්ථක බඳවා ගැනීම යනු ඔබේ ව්‍යාපාරයේ වලංගුභාවය සහ වෘත්තීයභාවය පිළිබඳ සෘජු පිළිබිඹුවකි. ඔබේ ව්‍යාපාරය සඳහා සුදුසු පුද්ගලයින් සේවයේ යෙදවීම ඔබේ සංවිධානයේ වැදගත්ම කොටසකි.
එබැවින් ඔබේ ව්‍යාපාර අවශ්‍යතා සඳහා සුදුසු ආකාරයේ සේවකයින් ආකර්ෂණය කර ගැනීම සඳහා හොඳ බඳවා ගැනීමේ ක්‍රියාවලියක් තිබීම අත්‍යවශ්‍ය කරුණකි.
මෙම ක්‍රියාවලිය නිවැරදි තේරීම් සහිතව ඵලදායි ලෙස ක්‍රියාත්මක කිරීම ඔබේ ව්‍යාපාරය අනාගත සාර්ථකත්වයට මනා රුකුලක් සපයනවා නිසැකයි.
සැකසුම – බිනාලි රාජපක්ෂ